МЕНИ

Англија | Бранислав Ивановиќ вели дека фановите на Челси не треба да се сомневаат во посветеноста на Еден Азар, и го пофали Белгијанецот што стиснал заби и играл со повреда...

Еден Азар оваа сезона е само бледа сенка од играчот кој минатата година беше прогласен за најдобар во Премиерлигата.

Плејмејкерот имаше уште разочарувачка партија вчера на дуелот со ПСЖ, по која фановите му замерија на својот миленик зошто го разменил дресот со Анхел Ди Марија уште на полувремето.

Исто така, добар дел од публиката на Стемфорд Бриџ упати свирежи на адреса на Еден Азар кога играчот се пожали на повреда и го напушти теренот во завршниот дел од средбата.

Бранислав Ивановиќ сега застана во одбрана на Белгијанецот и на фановите им порача да не се сомневаат во посветеноста на Еден Азар.

„Не е изговор, но луѓето во предвид треба да го земат фактот дека тој започна од првата минута и покрај тоа што беше повреден” – вели дефанзивецот.

„Па тоа покажува колку е посветен на клубот. Секако, кога ќе доживеете пораз, фановите не се среќни и реагираат на овој начин”.

„Но според мене, против ПСЖ тој имаше една од најдобрите партии оваа сезона. Беше силен и брз”.

„Сакаше да постигне гол и имаше неколку акции со кои потсети на минатата сезона”.