Англија | Менаџерот на Арсенал, Арсен Венгер им одговори на фановите кои побараа негово заминување, им порача да му судат по крајот на сезоната...
„Топчиите“ долго време ја немаат освоено Премиерлигата, а се чини дека и оваа сезона нема да станат шампиони на Англија.
Па фановите полека го губат трпението со Арсен Венгер, и на вчерашниот дуел против Хал во ФА Купот, група навивачи истакнаа банер со кој побараа Французинот да го напушти менаџерското столче.
„Арсен, благодариме за спомените, но време е за збогум” – гласеше пораката.
По последниот свиреж на средбата, Арсен Венгер им одговори на фановите и им порача дека треба да му судат на крајот од сезоната.
„Не сум разочаран од ништо” – рече менаџерот на Арсенал. „Јас само си ја вршам мојата работа”.
„Погледнете ја историјата на клубот, ќе видите дека нема од што да се плашам”.
„Не ми е гајле. Не сакам да говорам за ова, бидејќи секогаш се работи за истата приказна. Па веќе е доста! Ако имате прашања, поставете ги на други луѓе”.
„Ние правиме проценка на сезоната откако таа ќе заврши, ме чуди што луѓето уште сега ми судат”.
„Не сме се откажале од ништо, и ќе го видите тоа во следните недели. Клубот бил во многу полоша ситуација од онаа во која се наоѓаме во моментов”.
Извор: 24FUDBAL.com.mk
