Лига на Шампиони | Денска на програмата се уште две осминафинални пресметки од Лигата на шампионите, Челси го пречекува тимот на ПСЖ, Зенит игра против Бенфика...
ПСЖ и Бенфика патуваат со предност на гостувањата во Лондон односно Сент Петерсбург.
Во реприза од минатогодишниот дуел, натпреварот на Стемфорд Бриџ започнува со водство на ПСЖ од 2-1.
Челси ќе се обиде да ја анулира негативата и ќе мора рано да го нападне голот на францускиот тим кој треба да биде внимателен но и од контра напади да го загрозува Куртоа.
Челси нема да смета на Зума, Џон Тери и Фалкао. Неизвесни за настап се Пато и Диего Коста.
За разлика од Хидинк, Лорен Блан има помалку проблеми со повреди, неизвесни се Верати и Матуиди, а единствено нема да може да смета на Орие кој е отстранет од тимот по искажаните навреди кон тренерот и соиграчите.
Бенфика има предност од 1-0 по првиот натпревар со Зенит, водство кое ќе се обиде да го сочува во Русија.
Португалскиот тим ќе се обиде да даде гол на гостувањето, погодок кој ќе значи дека домаќините ќе треба да победат со два гола разлика.
И двата тима имаат проблеми со повредени играчи, за Зенит нема да настапат, Кришито, Фејзулин, Хави Гарсија. Ситуацијата е полоша кај Бенфика кај која нема да играат Жардел, Амлеида, Лопез, Цезар и Луизао.
Извор: 24FUDBAL.com.mk
