МЕНИ

Англија | Робин ван Перси ја опиша сорабоката со Сер Алекс Фергусон како специјална, и проговори за препознатливиот „фен“ третман на Шкотот...

Холанѓанецот само една сезона работеше со Ферги, но и тоа било доволно за напаѓачот да биде импресиониран од стратегот па РВП има само пофални зборови за Сер Алекс Фергусон.

Робин ван Перси исто така проговори и за тоа колку незгоден знае да биде Шкотот, особено кога играчите не се залагаат доволно.

„Играв под негово водство една година, но тоа беше многу специјална година, ја освоивме Премиерлигата!” – вели Ван Перси.

„Патот што го поминавме до титулата беше посебен. Можам да кажам дека Фергусон е навистина специјален менаџер”.

„Еден мал пример. Беше февруари или март а ние имавме 15 бодови предност на табелата”.

„Изгубивме од Сити. Со победа можевме да имаме 18 бода, но по поразот имавме 12 бода повеќе, што и не е така лошо”.

„Но тој полуде, беше бесен. На сите добро им стави до знаење дека мораат да го дадат максимумот”.

„Таа недела тренингот беше многу напорен, како да бевме под казна”.

„Имавме голема предност на табелата! Но тоа ми покажа дека тој е навистина добар менаџер”.

Натпреварот за кој зборува Ван Перси се одигра во април 2013 на Олд Трафорд, а „Граѓаните“ го добија градското дерби со погодокот на Серхио Агуеро во завршниот дел од средбата.

Но овој резултат немаше никакво влијание врз исходот на табелата, Манчестер јунајтед на крајот ја прослави 20. титула во Премиерлигата.