Англија Сер Алекс Фергусон открива дека не планира да троши ’енормни суми’ за ангажман на нови играчи по крајот на сезоната

Стратегот на Манчестер Јунајтед реши да не носи многу нови играчи на Олд Трафорд откако го продаде Кристијано Роналдо на Реал Мадрид за рекордни 80 милиони фунти (94 милиони евра).

Медиумите шпекулираа дека трансфер буџетот на Јунајтед е ограничен поради тоа што семејството Глејзер ги отплаќа заемите подигнати за да го комплетираат превземањето на клубот во 2005.

Но официјалните лица на клубот, меѓу кои и Фергусон, секогаш инсистираа дека има средства за ангажман на играчи.

Но Сер Алекс, кој неодамна ги обнови договорите на Нани и близнаците Да Силва – Рафел и Фабио, најавува дека повторно нема да троши огромни суми за ангажма на нови играчи.

“Не е потребно да се прават големи промени бидејќи имаме добар состав на кој му е потребно само да се пополнат некој дупки, тука и таму.” – рече Ферги за Inside United.

“Следењето на потенцијални нови играчи во составот е долгорочен процес – не е поврзан само со одреден дел од годината – но очигледно е дека не ги откриваме плановите.”

“Имаме одредени идеи но нема да ни се приклучат многу играчи.”

“Во секој случај, мислам дека цените на трансфер пазарот премногу се зголемија во последната година.”

Powered by: 24 FUDBAL.com.mk