Англија | Лестер игра сезона од соништата, но има и незадоволни во екипата на Клаудио Раниери, тоа е Гокан Инлер кој има само 10 настапи оваа сезона...



Додека неговите соиграчи како мали деца се радуваат на секоја победа, Гокан Инлер е фрустриран што многу ретко се наоѓа на теренот.

Капитенот на швајцарската репрезнтација има само 10 настапи оваа сезона и се наоѓа во втор план кај Клаудио Раниери.

„Имав неколку понуди да заминам во јануари, но останав бидејќи Раниери му рече дека смета на мене. Сепак од тој момент нема веќе место за мене во тимот“ - вели Инлер.

„Мачно ми е поради тоа, пред нас е Европско првенство, во критична ситуација сум. Обично зборувам дипломатски, но морам да се соочам со работите какви што се“.

„Им реков не на Вест Хем, Сандерленд, Шалке за да останам во Лестер. И пак би го направил истото. Не сакам да избегам од клупскиот проект, сакав предизвик и го имам пред мене“.

Инлер своите најдобри денови од кариерата ги имаше во Наполи, во август пристигна како големо засилување за Лестер, но Нголо Канте игра фантастична сезона, па Швајцарецот оправдано е во втор план.

Извор: 24FUDBAL.com.mk