Лига на Шампиони | „Кралевите“ немаат елиминирано клуб од Серија А во Европа 29 години, но избраниците на Зинедин Зидан сега се на добар пат да го урнат „италијанското проклетство’...



Реал Мадрид не знае како да излезе на крај со екипите од Италија во нок-аут фазата, клубот од Сантијаго Бернабеу ги загуби последните осум двомеча со клубови од Серија А.

„Проклетството“ започна во сезоната 1988-89, кога Милан беше поуспешен од „Кралевите“, а истото им појде од рака на „Росонерите“ и следната сезона.

Торино и Рома исто така по еднаш беа поуспешни, а Јувентус дефинитивно е кошмар, „Бјанконерите“ дури четири пати го имаат елиминирано големиот Реал Мадрид.

Но Реал Мадрид сега е на добар пат да го урне „италијанското проклетство’, вечерва на Сантијаго Бернабеу гостува Рома, а избраниците на Зинедин Зидан имаа предност од 2-0 од првиот натпревар во Рим.

Извор: 24FUDBAL.com.mk