Јужна Америка | Чуварот на мрежата на Ривер, Марсело Бароверо открива дека ги добил копачките на Лео Меси како поклон за неговиот син...
Барселона и Ривер ги одмерија силите во декември во финалето од Светското клупско првенство.
По крајот на натпреварот, голманот на Ривер, Марсело Бароверо сакал спомен од својот сонародник Лео Меси, и пробал да го размени дресот со ѕвездата на Барселона.
Сепак, напаѓачот веќе го имал заменето дресот со друг фудбалер.
Но чуварот на мрежата не останал со празни раце, во соблекувалната добил дрес од Браво како и копачките на Лео Меси, кои биле поклон за неговиот син.
„Кога заврши натпреварот отидов да се поздравам со Лео и да го прашам дали сака да ги размениме дресовите” – вели Бароверо. „Но задоцнив”.
„По церемонијата се сретнавме во соблекувалните и го прашав дали може да ми помогне да го разменам дресот со Браво”.
„Ми одговори позитивно и по неколку минути се врати со дресот на Браво и со копачки”.
„Ми рече: „Копачките се за твојот син“. Занемев. Не очекував таков гест”.
Среќниот добитник на специјалниот поклон од Лео Меси е малиот Агустин, кој исто како својот татко тренира да стане голман.
Извор: 24FUDBAL.com.mk
