Шпанија Екипата на Барселона потврди дека левиот бек, Ерик Абидал ќе мора да паузира десетина дена поради повреда на бутниот мускул

Францускиот интернационалец мораше пред време да го напушти дуелот со Арсенал откако се пожали на болка во левата нога.

Пеп Гвардиола мораше да направи замена и во 52та минута во игра влезе Максвел на местото на Абидал.

Лекарскиот тим на Барселона потврди дека левиот бек ја обновил повредата на левиот бутен мускул што ја заработи на 9ти февруари.

Поради тоа Ерик Абидал ќе мора да паузира во следните десетина дена.

Според официјалната веб страна на Барселона, Абидал сега ќе ги пропушти дуелите со Реал Мадрид и Депортиво Ла Коруња.

Дефанзивецот ќе биде во трка со времето да се опорави за градското дерби со Еспањол но се очекува да биде фит за првиот натпревар од полу-финалето во Лигата на Шампионите против Интер.

Powered by: 24 FUDBAL.com.mk