Италија | Претседателот на Палермо, Маурицио Ѕампарини го опиша својот тим како „лузерски“ и обвини дека играчите мислат само на пари...



„Сицилијанците“ се наоѓаат во голема резултатска криза и во моментов имаат само бод повеќе од местото кое води во Серија Б.

Првиот човек на клубот, Маурицио Ѕампарини го впери прстот во тренерот и играчите за ваквата лоша позиција на табелата.

Тој верува дека Бепе Јакини не може да наметне победнички менталитет, и додава дека фудбалерите мислат само на пари.

„Палермо има лош менталитет, играме како лузери” – вели Ѕампарини.

„Ако продолжиме да играме вака, сигурно ќе загубиме со 5-0 против Наполи. Им завидувам на Сари и Наполи, за начинот на кој стратегот ја наметна својата игра”.

„Го обожавам Јакини, но не ја одобрувам играта што тој ја форсира. Палермо мора да игра фудбал, во моментов не го правиме тоа”.

„Треба да учиме од Фросиноне и Карпи”.

„Играчите мислат само на пари, имаме буџет за плати од 35 милиони евра. Фросиноне одвојува само 5 милиони евра за плати, а има само бод помалку од нас”.

Извор: 24FUDBAL.com.mk