Италија | Интер го следи полскиот напаѓач на Ајакс, Аркадиуш Милик кој би можел да биде летно засилување за „нероазурите“...



Милик го привлече вниманието со добрата сезона во Ајакс постигнувајќи 13 гола на 22 натпревари, па некои почнаа да го викаат новиот Левандовски.

Се шпекулира дека сумата која Интер ќе треба да ја издвои за 22-годишниот напаѓач е помеѓу 10 и 12 милиони евра.

Милик е млад напаѓач кој шутира со левата нога, тој веќе игра крај Левандовски за националниот тим на Полска. Му одговараат формациите 4-3-3 и 4-2-3-1 кои ги употребува Роберто Манчини.

Се шпекулира дека Мауро Икарди би можел да замине од Милано, се поврзува со Манчестер јунајтед, Челси и Атлетико Мадрид. Неговата цена изнесува околу 30-40 милиони евра, пари кои би биле повеќе од доволни за ангажман на младиот напаѓач на Ајакс.

Извор: 24FUDBAL.com.mk