Останато | Мексиканците по трет па во историјата имаат намера да бидат домаќини на еден Мундијал...



Претседателот на Мексиканската фудбалска федерација, Десио де Мариа, официјално потврди дека неговата земја е сериозно заинтересирана по трет пат да организира Светско првенство.

„Кога во ФИФА ќе се отвори процесот на поднесување кандидатури за организација на Мундијалот во 2026 година, Мексико ќе биде таму.“

Мексиканците беа домаќини во 1970 и потоа повторно во 1986 кога беа принудно решение откако Колумбија се откажа на година дена пред самиот Мундијал.

Во 2018 домаќин е Русија, во 2022 е Катар, во 2014 беше Бразил, а во 2010 Јужна Африка, што значи дека им помина редот на Африка, Јужна Америка, Европа и Азија, по што на ред е Северна Америка.

Канада исто така е цврсто решена да се кандидира, а се очекува во трката да се приклучи и САД. Доколку ФИФА го укине правило за ротација на континенталните зони, во трката можно е да влезат уште и Англија, Казахстан, Австралија и Мароко.

Извор: 24FUDBAL.com.mk