Италија | Клаудио Раниери е еден од можните наследници на Антонио Конте на селекторската позиција на Италија која е противник на Македонија во квалификациите за СП 2018...



Антонио Конте ќе го напушти кормилото на Италија по крајот на Европското првенство и ќе се пресели во Челси, па „азурите“ се во потрага по негов наследник.

Според „Дејли Експрес“, Фудбалската федерација на Италија го посакува Клаудио Раниери за нов селектор поради неговото искуство и неверојатната сезона со Лестер.

Весникот додава дека во конкуренција се и Роберто Манчини, Алберто Закерони и Пауло Соуса.

Се поизвесно е дека Лестер ќе се пласира во Лигата на шампионите, па Раниери ќе биде во голема дилема, дали да игра со англискиот клуб во елитното натпреварување или да стане селектор на Италија.

Македонија во квалификациите за СП 2018 игра со Италија, па интересно и за нас ќе биде да видиме со кој селектор ќе дојдат „азурите“ во Скопје на 16. октомври оваа година.

Извор: 24FUDBAL.com.mk