Шпанија | Талентираниот Хрват, Ален Халиловиќ открива дека во својата соба има постер од ѕвездата на Барселона, Лео Меси...



19 годишниот фудбалер од средниот ред, кој оваа сезона од Барса е пратен на калење во редовите на Спортинг Хихон, одговараше на прашање поставени од LFP (Фудбалската професионална лига на Шпанија).

Запрашан од кој фудбалер има постер во собата, Алан Халиловиќ одговори: „Од Лео Меси”.

Репрезентативецот на „Коцкастите“ додава дека најдраг му е дресот што го носел за Динамо Загреб на дебито во Лигата на Шампионите против ПСЖ, но мил му е и оној што го разменил со Лео Меси на дуелот помеѓу Аргентина и Хрватска.

Халиловиќ исто така посакува да биде новиот Андреа Пирло.

„Би сакал да бидам како Пирло, одлично игра фудбал и има спектакуларни додавања” – вели талентираниот Хрват.

Извор: 24FUDBAL.com.mk