Италија | Рики Алварез, кој настапува на позајмица во Сампдорија, вели дека не знае дали е фудбалер на Интер или Сандерленд...
Аргентинецот во септември 2014 се пресели во Сандерленд на позајмица од Интер, но „Црните Мачки“ се обврзаа во целост да го откупат играчот доколку обезбедат опаснок.
Сепак, клубот од Стадионот на Светлината одби да го направи трансферот на Рики Алварез перманентен со оправдание дека фудбалерот пристигнал кај нив повреден.
Двата клуба не можеа да најдат заеднички јазик, па целиот случај заврши пред ФИФА. Светската куќа на фудбалот пресуди во корист на „Нероаѕурите“ но Сандерленд достави жалба.
И додека двата клуба се натегаа околу тоа кој правилно го толкува договорот, Рики Алварез беше оставен на цедило и сам се подготвуваше за новата сезона.
Дури на почетокот од оваа година доби дозвола да потпиша за друг клуб и тој се пресели во Сампдорија, каде ќе игра на позајмица до крајот на сезоната.
„Се уште не знам кој клуб ме поседува” – вели Рики Алварез во интервју со Ла Република.
„Ситуацијата не е добра, но утеха е тоа што фудбалерите често не знаат каква е нивната иднина”.
„Јас само сакам да се прикажам во добро светло и со Сампдорија да потпишам „вистински“ договор”.
„Не ми беше лесно да тренирам сам со месеци, не посакувам ниту еден фудбалер да искуси нешто такво”.
Извор: 24FUDBAL.com.mk
