Англија | Капитенот на Манчестер Сити, Винсент Компани ги бодри своите соиграчи да дадат се од себе до крајот на сезоната...



На 12 кола до крајот, Манчестер Сити е зад Лестер, Тотенхем и Арсенал во битката за титулата, но Винсент Компани не се откажува од трката за титулата.

„Од нашата блиска историја научивме дека во вакви моменти треба само да ја наведнете главата и да трчате колку што можете повеќе. Тоа ние го викаме сезона на лов“ - вели Компани за клупскиот сајт.

„Па нема да гледаме назад или да правиме било што друго, туку ќе се фокусираме на противниците со кои играме“.

„Веќе нема друг начин, не треба да правиме математички пресметки или нешто слично“.

„Имаме уште многу за игра, но нема што да загубиме. Чудно е чувството, но ќе кажам, сезона на лов е и подобро е да бркате отколку да ве бркаат на некој начин“.

„Сите во клубот треба да ставиме нож помеѓу забите и да знаеме дека сите треба да бидеме наострени и фокусирани во секој момент“.

Првиот тежок тест Сити ќе го има уште вечерва кога му гостува на Ливерпул во натпревар од Премиерлигата.

Извор: 24FUDBAL.com.mk