Македонија | Нашинецот со гол го отвори резултатот, а кинескиот гигант со Паулињо и Жаксон Мартинес со наведнати глави тргна назад за Кина по поразот во 2. коло од фазата по групи во азиската Лига на Шампиони...



Роберт Стамболжиев (фото, бр.6) во 18. минута го отвори резултатот носејќи му предност на Сиднеј. Тој Македонец од Егејска Македонија роден во Австралија, има играно за младински селекции на неговата родна земја, но е на радарот на ФФМ, а изненадувачки и Грците имаат стапено во контакт со него.

Кинезите промашија пенал во 22. минута, а само 3 минути подоцна израмнија благодарение на автогол. Победничкиот гол за Сиднеј беше дело на Димитријевиќ во 89. минута. Стамболжиев играше до 75. минута. Инаку на клупа кај Сиднеј беше уште еден Македонец, голманот Иван Нечевски.

Извор: 24FUDBAL.com.mk