МЕНИ

Италија | Капитенот на „бјанкочелестите“ објаснува што е проблемот што сезонава Лацио игра далеку под очекувањата...

„Цела сезона имаме подеми и падови. Сега и теренот беше лош за игра, особено во првиот дел. Пеналот го промени натпреварот, иако ние игравме под нашите способности. Ќе пробаме да стигнеме што подалеку во Лига Европа. Ќе пробаме да извадиме максимум и во Серија А бидејќи има уште многу бодови во игра.“

Вчера Лацио беше непријатно изненаден дома од Сасуоло кој славеше со 2:0. Според Стефано Маури, Лацио треба пред с да се сконцентрира на Лига Европа бидејќи само таму може да ја спаси лошата сезона.

„Никако не можеме да дојдеме до континуитет, за жал цела сезона ни помина така. Губиме премногу бодови, а за да се искачиме на табелата треба да победуваме. Ова не е вистинскиот Лацио и затоа жал ни е за нашите навивачи на кои им е ужасно. Првенството е многу комплицирано, има тимови кои се навистина добро подготвени и кои ја познаваат нашата игра. Многу сме предвидливи, противничките одбрани лесно се справуваат со нас бидејќи ретко играме во длабочина. Во Европа екипите играта за да остварат резултат, играме против тимови кои ни се спротивставуваат со отворен гард.“