Италија | Легендарниот Германец открива дека тогаш тинејџерот Тоти сам на тренинг го замолил да вежба слободни со него...



Поранешниот германски репрезентативец кој со својата репрезентација стана светски шампион во 1990 и европски во 1996 година, настапуваше за Рома од 1991 до 1994.

„Се сеќавам дека на крајот од еден тренинг почнав сам да си вежбам изведување на слободни удари. Ми пристапи едно момче и ме праша дали може да вежба со мене. Секако, му одговорив, но немав појма кој е.“

Франческо Тоти тогаш бил тинејџер и имал чест понекогаш да присуствува на тренинзи заедно со германската легенда.

„Не знам дали научил нешто од мене. Имаше добра техника, а лесно се приметуваше и дека има добар карактер. Без такво нешто не се влегува во игра во последните минути на натпревар против еден Реал Мадрид на негови години. Колку има? Скоро 40? Браво!“

Хеслер забележа 101 настап за Германија и постигна 11 гола.

Извор: 24FUDBAL.com.mk