Италија | Медиумите од Италија пренесуваат дека М’Баје Нианг би можел да паузира и до два месеци откако изминатиов викенд бил инволвиран во сообраќајна несреќа...



Лоша авантура за М’Баје Нианг и лоши вести за Синиша Михајловиќ.

Како што пренесува Sky Sport, фудбалерот направил судар со својот автомобил во ноќта помеѓу саботата и неделата.

Како резултат на сообраќајната незгода, М’Баје Нианг ги повредил лигаментите на левиот скочен зглоб, а се пожалил и на болки во рамота.

Медиумите од Италија пренесуваат дека напаѓачот би можел да паузира и до два месеци.

Ова не е прв ваков инцидент на Французинот, пред две години, кога тој го носеше дресот на Монпеље, М’Баје Нианг го искрши своето Ферари.

Извор: 24FUDBAL.com.mk