ЕУРО 2016 | Младиот офанзивец на Фиорентина нема настап за сениорската репрезентација на Италија, но не губи надеж дека ќе биде дел од континенталниот собир во Франција...



22-годишниот крилен напаѓач на Фиорентина игра во голема форма сезонава, затоа и е на радарот на пола Европа. Но, Федерико Бернардески сè уште нема настап во сениорската репрезентација на Италија, додека од 2011 година игра за младинските селекции. Тоа воопшто не му пречи да се надева дека ќе биде на списокот за Франција.

„Мојата цел сезонава и да добијам повик за настап на Европското првенство. Очекувам да го дадам најдоброто од себе до крајот на сезонава за Фиорентина, па потоа ќе видиме што ќе се случи во јуни.“

Не би било изненадување доколку Антонио Конте го повика Бернардески веќе за претстојните пријателски натпревари на крај на март кои Италија ќе ги игра против Шпанија и Германија.

Сезонава за Виола одигра вкупно 30 натпревари, постигна 5 гола и 4 пати  асистираше.

Извор: 24FUDBAL.com.mk