МЕНИ

Италија | Претседателот на Палермо, Маурицио Ѕампарини најави негово повлекување, клубот го става на продажба...

По 14 години на чело на Палермо, Маурицио Ѕампарини бара странски инвеститори на кои ќе го продаде клубот и тој ќе се повлече.

Откако во 2002 година го превзема Палермо, Ѕампарини си изгради репутација за сопственик кој ужива да именува и брка тренери. Па во оваа кампања веќе смени три.

Палермо има три бода над зоната за опстанок и главната цел на клубот оваа сезона е да остане во Серија А.

„Во јуни ќе се повлечам од Палермо. Во преговори сум со компании од Кина, Северна Америка и Обединетите Арапски Емирати“ - потврдува Ѕампарини.

„Фановите може да бидат мирни бидејќи потенцијалните купувачи се врвни фирми кои работат на највисоко ниво. Се надевам дека ќе донесам голем инвеститор во Палермо кој ќе може да го однесе клубот на друго ниво“.

„Инвестирав 100 милиони евра и мислам дека клубот ми должи половина од таа сума но купувачот може да ме исплати и на рати“.

„Имам 75 години и сакам мојата старост да ја поминам надвор од фудбалот“.

Доколку Ѕампарини остане доследен на својот збор, Александар Трајковски и Илија Несторовски следната сезона ќе ја почнат со нов газда.