Англија | Ешли Мариот започна он-лајн петиција за да ја убеди сопругата да го именуваат нероденото девојче по ѕвездата на „Лисиците“, Џејми Варди...



Напаѓачот е голем хит во Премиерлигата оваа сезона, па 28 годишниот Ешли Мариот сакал да му оддаде почит и на својата сопруга и предложил средното име на нивната ќеркичка да биде Варди.

По неколку месечно убедување, 23 годишната Дејзи Ада се согласила, но под услов нејзиниот сопруг да добие поддршка од 5000 луѓе.

Па Ешли Мариот започна он-лајн петиција и вчера успеа да собере 5000 потписи, откако медиумите почнаа да пишуваат за неговиот несекојдневен потег.

„Пред некој ден на шала сопругата ми рече „Ја следам твојата кампања, ми се чини дека нема да биде ништо“ но ден потоа, бидна” – вели Мариот.

„Среќен сум, и мислам дека таа веќе се помири, нема враќање назад по сето ова”.

Малото бебе Варди треба да се роди во јуни.

Извор: 24FUDBAL.com.mk