Англија Карло Анчелоти верува дека повредата на Вејн Руни му овозможила на Челзи важна предност во однос на Манчестер Јунајтед во трката за титулата во Премиер Лигата
Најдобриот стрелец на Црвените Ѓаволи го пропушти клучниот дуел со Сините, во кој неговиот тим загуби со 2-1 на Олд Трафорд во саботата, откако се повреди на натпреварот со Баерн Минхен.
Со победата Челзи креираше два бода предност на врвот на табелата во однос на актуелниот шампион на пет натпревари до крајот на сезоната, додека пак Арсенал заостанува три бода.
Тренерот на Сините, Карло Анчелоти верува дека отсуството на Руни ги зголемило шансите на неговиот тим за триумф во Премиер Лигата.
“Јунајтед не е истиот тим без него.” – рече Италијанецот.
“Руни е фантастичен фудбалер кој тешко може да се замени со друг фудбалер. Бербатов е добар играч но Руни е сосема поинаков.”
“Руни понекогаш знае да се врати назад и да добие топка и да му помогне на тимот а потоа може да напаѓа од секоја страна.”
“Тој е извонреден играч.”
Анчелоти потоа додаде: “Ова не е добар момент за Јунајтед по поразот од Баерн Минехн бидејќи тие додатно загубија многу важен играч.”
“Не е лесно за Јунајтед да ги задржи карактерестиките и моментумот без Руни.”
“Но тие имаат можност да го елиминираат Баерн Минхен и се надевам дека ќе се пласираат во полу-финалето.”
Powered by: 24 FUDBAL.com.mk
