МЕНИ

Италија | Мнозинскиот сопственик на Интер, Ерик Тохир ги негираше сториите кои велеа дека планира да го продаде клубот...

Денешното издание на Gazzetta dello Sport пренесе дека бизнисменот од Индонезија ја разгледува можноста да го продаде Интер со цел да стави крај на финасиските загуби.

Весникот пишува дека инвестицијата во „Нероаѕурите“ не се одвивала според плановите на Ерик Тохир, па тој почнува да крева раце по само три години.

Сепак, клубот од Џузепе Меаца експресно ги негираше ваквите написи.

„Интер категорично демантира дека претседателот и мнозински акционер, Ерих Тохир планира да ги продаде сите, или дел од неговите акции во клубот” – гласеше известувањето.

„Како дел од долгорочниот бизнис план, клубот побара од Голдман Сакс да ја истражи можноста за идентификување можни идни комерцијални партнери во Азија. Тоа е нормална процедура со оглед на големиот раст на инвестициите во спортот, поточно во фудбалот, во Азија и особено во Кина”.

„Клубот цврсто останува на утврдениот пат, на комерцијален и спортски план. Исто така работи во блиска соработка со УЕФА за да ги исполни правилата за финансиски фер плеј. Остануваме посветени на враќање во Европа, јасцна цел е да се натпреваруваме со најдобрите”.