Англија | Скаути на „Црвените Ѓаволи“ вечерва ќе го следат настапот на Федерико Бернардески на дуелот помеѓу Тотенхем и Фиорентина...



22 годишниот Италијанец има импресивна сезона, па се поголем број на клубови пројавуваат интерес за неговите услуги.

Според денешното издание на Gazzetta dello Sport, Манчестер јунајтед е последниот клуб што тропнал на вратата на „Виолетовите“ и понудил 28 милиони евра за Федерико Бернардески.

Ова не е прв пат клубот од Олд Трафорд да се обиде да го ангажира фудбалерот, во 2011, Федерико Бернардески имал шанса да потпише за најтрофејниот клуб од Англија, но неговиот татко го блокирал трансферот.

Весникот додава дека скаути на „Црвените Ѓаволи“ вечерва добро ќе внимаваат на игрите на офанзивниот фудбалер на дуелот против Тотенхем на Вајт Харт Лејн во Лига Европа.

Фиорентина во овој момент сепек не размислува да го продаде Федерико Бернардески, особено не за понуди помали од 40 милиони евра.

Барселона, Баерн Минхен и Челси исто така внимателно ги следат игрите на Италијанецот.

Извор: 24FUDBAL.com.mk