Италија | „Феноменот“ е отворен за идејата да стане директор на „Нероаѕурите“, вели дека нема да може да каже не доколку добие повик од Масимо Морати...
Легендата на Бразил вчера пристигна во Милано на покана на Масимо Морати, и се сретна со поранешниот претседател на Интер и неговото семејство.
Денеска тие заедно ќе го проследат натпреварот против Сампдорија од ложата на Џузепе Меаца.
Во разговор со медиумите од Италија, популарниот „Феномен“ вели дека е отворен за идејата да стане директор на „Нероаѕурите“ и додава дека нема да може да каже не доколку добие повик од Масимо Морати.
„Можеби еден ден ќе станам дел од управата на Интер, никогаш не се знае” – вели Роналдо.
„Во моментов сум зафатен со фудбалските школи кои ги отворив ширум светот, клубот во Америка како и неколку други проекти”.
„Но ќе ми биде големо задоволство да прифатам ваков предизвик со Интер. Не можам да отфрлам ништо”.
„Имав ручек со Масимо Морати, средбата беше одлична бидејќи се чувствувам како дел од „црно-синото“ семејство. Интер секогаш ќе биде мојата голема фамилија”.
„Разговаравме за многу работи. Во минатото двајцата направивме грешки, но се е опростено”.
„Сега тој е многу смирен, кога беше главен на Интер, беше многу нервозен. Без разлика дали Морати во целост ќе ги продаде акциите, за мене тој ќе остане најголемиот фан на Интер”.
„Доколку Морати се врати како претседател и ми се јави, ќе се вратам веднаш”.
Извор: 24FUDBAL.com.mk
