МЕНИ

Италија | Жозе Мурињо вели дека нема да го наследи Роберто Манчини на кормилото на Интер, но додава дека еден ден би можел да се врати на Џузепе Меаца...

„Специјалниот“ е во Милано на покана на Масимо Морати и вечер ќе го проследи дуелот помеѓу Интер и Сампдорија.

Португалецот ја отфрла можноста да го наследи Роберто Манчини на кормилото на „Нероаѕурите“, но додава дека еден ден би можел да се врати на Џузепе Меаца.

„Нема да бидам тренер на Интер следната сезона, и сакам да нагласам дека никој од клубот не побарал да се вратам” – им одговори Жозе Мурињо на новинарите кои го пречекаа на аеродромот.

„Но можеби ќе бидам тренер во иднина, зошто да не? Еднаш се вратив во Челси, па можеби ќе го сторам тоа и во Интер”.

„Но Интер сега има проект со Роберто Манчини и се надевам дека ќе биде успешен”.

„Секогаш велев дека во Интер пристигнав како професионалец, а си заминав како „Интериста“. Тоа е моќта на Морати. Јас сум „Интериста“, но не сакам да креирам шпекулации”.

„Но секако дека нема да ја затворам и вратата за во иднина, бидејќи во фудбалот никогаш не го правите тоа, особено ако сте имале фантастичен однос со некој клуб”.

„Но ова не е прав момент за враќање”.