МЕНИ

Македонија | Со натпреварот помеѓу Работнички и Младост Царев Двор, денеска започнува вториот дел од сезоната во Македонската прва лига, Вардар и Шкендија се единствените кандидати за титулата...

Заврши зимската пауза за македонските клубови, од денеска започнува пролетниот дел на сезоната во Првата лига.

Вардар со пет бода предност пред Шкендија тргнува кон нов шампионски трофеј, скопскиот тим е во пол позиција за одбрана на титулата, но сезоната е долга.

По успешните подготовки во Анталија, Вардар премиерата во вториот дел од сезоната ќе ја има утре на Арената „Филип Втори“ против Ренова. „Црвено-црните“ влегуваат како голем фаворит и би било големо изненадување доколку не дојдат до трите бода.

Три бода очекува и Шкендија од дуелот со Турново. Тетовскиот тим нема право на кикс, во спротивно и тие би испаднале од трката по трофејот и би го ставиле Вардар во многу лагодна позиција.

Единствениот денешен натпревар е дуелот помеѓу Работнички и Царев Двор. Романтичарите со новиот тренер целат кон третата позиција на која во моментов престојува Силекс кој имаше одличен есенски дел од сезоната.

Металург со едната нога веќе е во втората лига, алармот е вклучен и во Царев Двор, Брегалница, Турново, Ренова на кои секој бод им е повеќе од значаен за останување во друштвото од највисок ред.

Сабота 14:00

Работнички - Царев Двор

Недела 14:00

Вардар - Ренова

Шкендија - Турново

Шкупи - Металург

Силекс - Брегалница

Табела по 18. коло:

1. Вардар 43

2. Шкендија 38

3. Силекс 26

4. Работнички 24

5. Шкупи 24

6. Ренова 20

7. Турново 20

8. Брегалница 19

9. Царев Двор 16

10. Металург 1