МЕНИ

Јужна Америка | В недела ќе биде извршено ждребувањето за фазата по групи за претстојното јубилејно издание на Копа Америка...

Копа Америка Сентенарио кога ја слави 100-годишпнината од првото одржување на ова континентално натпреварување ќе се одржи за прв пат надвор од Јужна Америка и тоа во САД. Покрај десетте јужноамерикански репрезентации учество ќе земат и 6 од Северна Америка.

Ждрепката ќе се одржи во Њујорк в недела од 19.30 часот по локално време, или 1.30 по полноќ по македонско време.

Домаќинот САД заедно со Аргентина, Бразил и Мексико како носители веќе се распределени во четирите групи и во ждрепката ќе учествуваат индиректно.

Вака изгледа распределбата по барабани направена според ранг-листата на ФИФА од декември 2015 година:

Барабан 2: Чиле, Колумбија, Еквадор, Уругвај

Барабан 3: Костарика, Хаити, Јамајка, Панама

Барабан 4: Боливија, Парагвај, Перу, Венецуела

Горенаведените репрезентации ќе бидат распределени во 4 групи со тоа што секоја група ќе брои 4 екипи. Носителите однапред се распределени и тоа: Група А: САД, Група Б: Бразил, Група Ц: Мексико и Група Д: Аргентина.

Јубилејното издание на Копа Америка ќе се одржи од 3-ти до 26-ти јуни годинава.