Англија | Менаџерот на „Сините“, Гус Хидинк вели дека Еден Азар е задоволен со животот во Лондон и не размислува за заминување од Стемфорд Бриџ...



Репрезентативецот на Белгија има разочарувачка сезона и се говори дека летоска би можел да ја промени средината.

ПСЖ и Реал Мадрид се посочуваат како клубовите кои сакаат да го видат Еден Азар во своите редови.

Менаџерот на Челси, Гус Хидинк сепак вели дека плејмејкерот е среќен во Челси и не размислува за заминување.

„Пред да играме со ПСЖ разговарав со него и го прашав за ситуацијата” – вели Холанѓанецот.

„Тој сака да биде тука, неодамна го продолжи договорот. Среќен е тука, неговото семејство е среќно”.

„Не гледам знаци кои укажуваат дека сака да замине”.

Гус Хидинк исто така вели дека е време Еден Азар да истапи и да го подигне нивото на игра.

„Против ПСЖ имаше еден добар спринт по нашата десна страна. Тоа е оној стариот Азар, и се надевам дека во иднина ќе го гледаме почесто”.

„Игра подобро, но може да понуди повеќе. Самиот е свесен за ова. Сега останува тој самиот да истапи”.

Извор: 24FUDBAL.com.mk