Англија | Спонзорот на Манчестер јунајтед, Адидас на Олд Трафорд започна да продава маици со слоганот „Duty to Entertain“ или „Обврска да Забавуваме“...



Луј ван Гал оваа сезона често е критикуван за начинот на кој игра Манчестер јунајтед.

Многумина веруваат дека тактиките на Холанѓанецот се негативни, и фудбалот што тој го применува е здодевен, а фановите на Олд Трафорд скандираат „нападнете, нападнете, нападнете“.

Медиумите од „Островото“ сега пренесуваат дека и спонзорот на Манчестер јунајтед, Адидас е разочаран од Луј ван Гал и се приклучува во шегите на сметка на стратегот.

Германскиот производител на спортска опрема неодамна во продажба пуштил маици и дуксери со слоганот „Duty to Entertain“ или „Обврска да Забавуваме“, кои ги има во сите официјалните продавници на „Црвените Ѓаволи“

„Маиците ги добивме пред две недели” – вели лице кое работи во продавницата на Олд Трафорд за The Sun.

„Не ми се верува дека ги добиваме сега. Пологично е да ги имавме пред почетокот на сезоната, отколку сега по сите тие лоши резулати”.

Извор: 24FUDBAL.com.mk