Останато | Дефанзивецот Вукашин Јовановиќ е пред трансфер во Зенит од кој Црвена звезда треба да инкасира 2 милиони евра...



Договорот е веќе постигнат, младиот стопер ќе потпише четири ипол годишен договор со Зенит, а Црвена звезда ќе добие 2 милиони евра. Таа сума би можела и да се зголеми за дополнителни 500.000 евра доколку Јовановиќ експресно се избори за минутажа во првиот тим.

„Денес одиме во Сент Петерсбург. Можам да ви кажам дека трансферот е 95% завршен. Останува уште само да го финишираме договорот. Јовановиќ имаше три понуди оваа зима, но после долги преговори успеавме да се договориме со Зенит. Важно е да се задоволни сите три страни“ - изјави менаџерот Раде Чалдовиќ за српските медиуми.

Српскиот фудбалер ќе тренира со првиот тим на Зенит, но ќе настапува за нивниот Б тим до јуни кога ќе може да игра со најдобрите.

Ова е уште една милионска продажба на Црвена звезда за неколку месеци откако претходно Марко Ѓуриќ беше продаден на Ливерпул.

Извор: 24FUDBAL.com.mk