Англија | Фан на „граѓаните“ го истетовирал потписот на „педофилот“ па сега после скандалот сака да го избрише...



Пред 5 години навивачот на Манчестер Сити по име Роб Мјулен си го истетовирал потписот на Адам Џонсон на тој начин сакајќи да му оддаде почит на играчот кој според него бил еден од најзаслужните за освојувањето на ФА Купот. Тогаш „граѓаните“ го совладаа Стоук во финалето и дојдоа до првиот трофеј после цели 34 години.

„Кога ја направив тетоважата Џонсон беше мојот омилен играч, толку што дури и на фејсбук си го променив името во Robert 'Adam Johnson' Mullen. Освојувањето на ФА Купот за нас навивачите беше огромен успех и сакав нешто што ќе го овековечи настанот, но и во исто време ќе биде кул: така се решив Џонсон да го истетовирам на ногата и тоа кога го сретнав во фан шоп на Сити. Веќе наредниот ден отидов на тетовирање мајка ми и девојка ми не беа возбудени од мојата одлука. Никогаш не можев да си замислам дека ќе се случи нешто вакво.“

Но, признавањето на вината пред една недела за случајот „секс со малолетничка“, односно 15-годишно девојче, доведе до тоа сите да се ужаснат од Џонсон. Неговиот досегашен клуб Сандерленд го избрка, а Адидас веќе му го раскина договорот. Па ништо чудно што и навивачот на Сити не сакал да има повеќе ништо со него.

„На времето тој го негираше сето тоа. Но, сега откако ја призна вината работите се влошија и ми нема смисла да имам тетоважа од некој таков. Поради тоа сакав да ја тргнам што побргу.“

Извор: 24FUDBAL.com.mk