Останато | Андреј Шевченко му се враќа на фудбалот, популарниот „Шева“ денеска беше презентиран како нов член на стручниот штаб на фудбалската репрезентација на Украина...



Легендата на Украина во 2012 доби понуда да седне на селекторското столче на репрезентацијата, но Андреј Шевченко тогаш ја одби понудата бидејќи ги немаше потребните лиценци ниту пак искуство.

Четири години подоцна, Андреј Шевченко ја прифати понудата да и помогне на репрезентацијата, тој денеска официјално беше потврден како нов член на стручниот штаб на селекторот Михаило Фоменко.

„Ова е голема чест и сериозна одговорност” – вели поранешниот напаѓач на Милан и Челси.

„По четири години пауза, му се враќам на фудбалот на голема сцена. Се надевам дека ќе ја оправдам укажаната доверба”.

„Работев со одлични тренери како Валери Лобановски, Карло Анчелоти и Жозе Мурињо. Научив многу од нив”.

„Исто така, курсевите за тренер ми помогнаа да развијам сопствени идеи и моја визија за фудбалот”.

„Се надевам дека ќе им помогнам на играчите да достигнат ново ниво”.

Извор: 24FUDBAL.com.mk