Лига на Шампиони | Тренерот на Рома, Лучијано Спалети вели дека најважни се резултатите на тимот, а не тоа дали Тоти е стартер или не...



Тоти и Де Роси се вратија по повредите, но неизвесно е дали се комплетно подготвени за утрешниот меч против Реал Мадрид и дали ќе се најдат во стартниот тим.

„Јас сум тренер на Рома, не Тоти. Мојата примарна цел е резултатот и според тоа ги носам моите одлуки, а не според името на фудбалерот“ - вели Спалети.

„Од моја гледна точка, мојот однос со Тоти е добар. А од негова, не знам, треба да го прашате него“.

„Тоти е играч кој може да ги промени работите во нападот. Но зависи и од нашата игра базирана на противникот“.

„Тој може да даде перфектен пас, но ако тимот треба да игра пресинг, тешко ќе му биде да истрча спринт од 40 метри“.

„Па дали он ќе игра зависи и од противникот. Нема простор за чувства. Само напорна работа“.

„Дали Тоти го разбира тоа? Не знам, јас само си ја вршам мојата работа. Го почитувам неговото минато и квалитети, но прво мислам на резултатите“.

„Де Роси? Тој може да игра и во средниот ред и како дефанзивец. Има 31 година и полн е со искуство. Имам многу играчи од средниор ред, ќе одлучам“.

Извор: 24FUDBAL.com.mk