Лига на Шампиони | Бразилецот успешно го мина медицинскиот тест, тренираше со тимот и ќе биде во составот на Реал за гостувањето во Рим...



Поради дислокација на рамото Марсело го пропушти дуелот со Атлетик Билбао, но навреме ја санираше повреда за првиот осмина-финален натпревар против Рома.

Прогнозите велеа дека Бразилецот нема шанси ниту да биде на клупата на Олимпико, но чудо се случило, како што велат од Шпанија. Марсело најпрво го минал медицинскиот тест за издржливоста на неговото рамо, а сабајлево успешно и го одработил тренингот со соиграчите по што лекарскиот тим му дозволил на Зинедин Зидан да го вклучи во листата на патници за Рим.

Рома и Реал Мадрид играат во среда од 20.45 часот.

Извор: 24FUDBAL.com.mk