Лига на Шампиони Горан Пандев е задоволен од победата над ЦСКА Москва и додава дека Нероаѕурите веруваат во можностада стигнат до финалето од Лигата на Шампионите

Македонскиот интернационалец одигра 90 минути на дуелот со ЦСКА Москва и во неколку наврати опасно се закани по голот на Акинфеев.

Покрај тоа Пандев претрча многу, помагаше во дефанзивата и вели дека е убаво чувството да се жртвува за доброто на Интер.

“Имавме одлично второ полувреме.” – рече Пандев. “Игравме добро, брзо ја движевме топката шутиравме многу, како што побара тренерот.”

“Сега се надевам дека истото ќе можеме да го покажеме и на гостувањето во Москва, да постигнеме погодок и да си обезбедиме пласман во следната фаза.”

“Секако дека е комплицирано тоа што морам да помагам во дефанзивата но подготвен сум да се жртвувам за тимот.”

“Најважно е тимот да победи а не јас да постигнам погодок. Денеска пропушти неколку добри шанси, жалам порати тоа.”

“Дали мојата игра се промени откако дојдов во Интер? Да, дефинитивно би кажал да, тука играм на левата страна на десната стра, во завнисност од тоа што тренерот го сака и ја уживам во тоа.”

“Вештачката трева во Москва? Ќе бдие чудно, поинаку, јс никогаш не сум играл но тимот ќе стори се за да победи.”

Запрашан дали Интер има шанси да стигне до финалето, Пандев додаде: “Мислиме дека можеме да стигнеме до Мадрид, но патот сеуште е долг.”

“Сега треба да патуваме за Москва и да победиме таму. Потоа следат двата полу-финални натпревари.”

Powered by: 24 FUDBAL.com.mk