Македонија | Репрезентативниот кандидат конечно најде клуб, но во далечниот Казахстан...



Откако минатово лето го раскина договорот со холандска Бреда, централниот бек Александар Дамчевски бараше и бараше клуб (Партизан, Вележ, Слован и Домжале), па конечно еве дури во фебруари 2016 го најде. И тоа не било каде туку географски во Азија: во Казахстан.

Дамчевски ќе ги брани боите на Атирау од истоимениот град кој географски спаѓа во двата континента бидејќи е поделен од реката Урал која е природна граница помеѓу Европа и Азија. Лани Атирау заврши на 5. место и за два бода не успеа да обезбеди пласман во квалификациите од Лига Европа.

Новата сезона во Казахстан почнува на 12-ти март и веднаш на стартот ќе има македонско дерби бидејќи Атирау му гостува на Жетису каде играат Душан Савиќ и Ѓорѓи Мојсов.

Родум од Франција, Дамчевски има 4 настапи за Македонија, а со добри игри во Атирау ќе се надева повторно на повик.

Извор: 24FUDBAL.com.mk