МЕНИ

Македонија | Вардар денеска продолжува со одигрување на пријателски натпревари во Анталија, следен противник е екипата на Слован Либерец од Чешка...

Денеска со почеток од 14 часот, Вардар го игра третиот пријателски натпревар во Анталија, македонскиот шампион ќе ги одмери силите со Слован Либерец.

На натпреварот против Вил мрежите мируваа, напаѓачите на Вардар не успеаа да постигнат гол. Ивановски се надева дека денеска ќе биде поинаку.

„Тоа што не успеавме да ја затресеме противничката мрежа на претходниот натпревар, за нас е само мотив повеќе утре да го дадеме максимумот и да блеснеме во вистинското светло. Иако за ваквите контролни средби честопати се вели дека резултатот е во втор план, ние секогаш сакаме да победиме кога ќе истрчаме на теренот. Така е дури и на тренинзите кога играме меѓу себе, а за натпреварите воопшто нема потреба да се полемизира дека размислуваме само за победа. Едноставно победите имаат големо влијание врз нашата самодоверба и придонесуваат за градењето на една позитивна атмосфера и победнички менталитет во тимот“ - изјави Ивановски за официјалната страна на Вардар.