МЕНИ

Шпанија | Зинедин Зидан и официјално е тренер на првиот тим на Реал Мадрид, Французинот ставил потпис на договор со трајност до 30. јуни 2018...

Популарниот ’Зизу’ на почетокот од минатиот месец седна на жешкото столеч на ’Кралевите’ како замена за Рафа Бенитес, кој доби отказ по серијата бледи партии.

Зинедин Зидан беше промовиран од резервниот тим, и лидерите на Реал Мадрид уште тогаш му понудиле нов договор што доликува за тренер на првиот тим, но Франзинот решил преговорите да ги стави во втор план и да се фокусира на новата задача.

Прв приоритет на стратегот бил да се реорганизира составот и да се врати во форма тимот.

Промените веднаш се забележаа, ’Кралевите’ заиграа далеку подобро под водство на ’Зизу’ и следуваа убедливи победи над Ла Коруња (5-0), Хихон (5-1) и Еспањол (6-0) како и ремито кај Бетис (1-1).

Откако Реал Мадрид се врати на прав колосек, Зинедин Зидан и неговиот тренерски персонал пред неколку дена ставиле потпис на нови договори.

Marca пренесува дека Французинот се обврзал кон Реал до 30. јуни 2018, договорот е со иста должина како оној што Зидан го имаше со резервниот тим на ’Кралевите’, но сега стратегот има поголема плата.