Останато | Колумбиецот оди на позајмица откако неговиот агент успешно преговарал со претседателот на клубот преку познатата апликација...



Без летање од една до друга дестинација, состанок или вечера во познат ресторан. Фудбалскиот трансфер пазар во ерата на социјалните мрежи се прави токму преку нив.

Најдобар пример за тоа е позајмицата на 31-годишниот репрезентативец на Колумбија, Абел Агилар, кој од францускиот Тулуз се пресели во португалски Белененсеш.

Самиот претседател на португалскиот клуб потврди како ја склучиле зделката: „Минатата сабота нашиот тренер Хулио Веласкес ни зборуваше за можноста да го ангажираме Агилар. Го познавал од времето кога играл во Шпанија и поради тоа имале заеднички пријатели.“

„Неговиот агент беше во Лондон, па преговаравме разменувајќи си пораки преку WhatsApp. Го напишавме она што можевме да му го понудиме, а тие веднаш го прифатија.“

Извор: 24FUDBAL.com.mk