Шпанија | Таткото на Нејмар открил дека на нивна адреса пристигнала мултимилионска понуда од друг клуб, но Бразилецот сака да стави потпис на нов договор со Барса...



Нејмар постариот вчера се појави пред судот во Мадрид, каде се води процес против напаѓачот за неговиот трансфер од Сантос во Барса.

Откако на виделина испаднаа сите детали од зделката и огромната сума што ’Каталонците’ му ја исплатија на играчот и неговото семејство, компанијата DIS поднесе тужба.

DIS поседуваше 40% од сопственоста на Нејмар кога играчот настапуваше за Сантос, и компанијата обвинува дека тие не добиле соодветен дел од трансфер сумата.

Таткото на Нејмар повеќе од два часа давал исказ пред судијата, а за медиумите од Шпанија посебно е интерсна изјавата во која тој открил дека на нивна адреса пристигнала мега понуда за заминување од Камп Ноу.

Клубот кој сака да го види Нејмар во своите редови бил подготвен да ја активира откупната клаузула на играчот вредна 190 милиони евра.

Но таткото на Нејмер во исто време нагласил дека неговиот син има намера да го продолжи договорот со Барселона, и не сака да слушне за ниту една друга понуда.

Извор: 24FUDBAL.com.mk