Англија | Откако стана јасно дека Мануел Пелегрини од следното лето ќе биде слободен тренер, се појавија информации дека Абрамович загризал и ќе се обиде да го донесе во Челси...



Гус Хидинк ќе го предводи Челси само до крајот на сезоната, па раководството на сините е во потрага по нов тренер.

Досега низ медиумите се појавија повеќе кандидати, а последно име во списокот е Мануел Пелегрини.

Во Манчестер Сити пристигнува Пеп Гвардиола, тоа значи дека Пелегрини ќе треба да си бара нова средина, а се чини дека Челси би бил идеален клуб за него.

Абрамович во Пелегрини гледа човек кој веќе има искуство во Премиерлигата и кој знае како да менаџира тим од ѕвезди.

Дополнително Пелегрини ќе има посебна мотивација да им покаже на раководните лица на Манчестер Сити дека направиле погрешен избор.

Чилеанецот е идеален кандидат за тренерската позиција на Челси, останува да видиме дали ваквите пишувања ќе станат и вистина.

Извор: 24FUDBAL.com.mk