Лига на Шампиони Дани Алвеш смета дека Барса ќе се пласира во 1/2 финалето од Лигата на Шампионите и вели дека целта во првиот дуел е гол на Емирати.

Вечерва на Емирати се очекува вистински спектакл, Арсенал ја пречекува Барселона.

Дани Алвеш е оптимист, верува дека Барса ќе биде екипата која ќе оди понатаму, според него целта во првиот натпревар е да се постигне гол во гости.

"Фаворити сме и тоа создава екстра притисок за нас, но тоа е нормално" - смета Дани Алвеш.

"Дуелот ќе биде одлучен на Ноу Камп, иако сакаме да ги зголемиме нашите шанси уште во Лондон".

"Во Европа нема лесни натпревари. Како и да е, доколку одиграме наш нормален натпревар, во наш препознатлив ритам, би требало да дојдеме до позитивен резултат".

"Секој натпревар е поинаков и Ла Лига не е Лига на Шампионите. Против Осасуна тешко ни беше да го срушиме нивниот дефанзивен систем, но јас сум уверен дека Арсенал ќе игра поинаков фудбал".

"Доколку англискиот тим потфрли во обидот да ја контролира топката, тогаш ние ќе постигнеме голови, сигурен сум во тоа".

"Нашата цел е да постигнеме гол во Лондон и да ги притиснеме Топџиите. Ја подобруваме нашата форма во Ла Лига и треба само да ја пренесме формата и во Лигата на Шампионите".

"Оптимист сум како и секогаш и според мене Барселона ќе се пласира во полуфиналето од Лигата на Шампионите" - заврши Алвеш.

Powered by: 24 FUDBAL.com.mk