Англија Според медиумите од Шпанија, екипата на Арсенал е подготвена да одвои 10 милиони евра за талентираниот играч од средниот ред на Сарагоса, Андер Ерера
20 годишниот Ерера во последнава година успеа да се избори за место во стартниот тим на Сарагоса и се шпекулира дека веќе го привлекол вниманието на Арсен Венгер.
Шпанскиот младински репрезентативец е познат по својата одлична визија за игра и креативноста па многумина го споредуваат со сегашниот капитен на Топџиите, Цеск Фабрегас.
AS вели дека агентите на Ерера, Артуро Каналес и Фернандо Сегуи веќе разговарале со извршниот директор на Топџиите, Иван Газидис.
Се шпекулира дека Арсенал веќе доставил понуда вредна 10 милиони евра за услугите на Ерера, но Сарагоса во моментов посакува 24 милиони евра колку што е и откупната клаузула на играчот.
AS предвидува дека е можно двете страни да стигнат до компромис – трансферот да биде вреден 15 милиони евра – со оглед на долговите со кои се соочува Сарагоса.
Исто така се верува дека со евентуален ангажман на Ерера, Топџиите ќе сигнализираат заминување на Цеск Фабрегас кој долго време е мета на гигантите од Ла Лига, Барселона и Реал Мадрид а во последно време се погласни се и шпекулациите дека Интер посакува да го ангажира Цеск.
Powered by: 24 FUDBAL.com.mk
