Македонија | ФК Работнички денеска го промовираше Борче Маневски како ново засилување, тој потпиша едногодишен договор со клубот од Дебар Маало...
Маневски се врати во Работнички, романтичарите добиваа добро познато засилување за пролетниот дел од сезоната.
„Маневски потпиша едногодишен договор со нашиот клуб до јануари 2017 година, засилувајќи ги напаѓачките редови на тимот на Томислав Франц" - стои во соопштението на Работнички.
Маневски е задоволен што повторно е во клубот каде го врзуваат убави спомени.
„Огромно задоволство за мене претставува враќањето во Работнички, клуб со кој ме врзуваат исклучително позитивни моменти. Се чувствувам како да се враќам дома, во добра позната средина. Верувам дека ќе успеам да му помогнам на тимот да дојде до зацртаните цели во актуелнава сезона“ - изјави Маневски.
Маневски е четврто засилување за Работнички во јануарскиот преоден рок, претходно клубот потпиша со Бојан Најденов и младите Хрвати, Иван Галиќ и Марко Пушкариќ.
Извор: 24FUDBAL.com.mk
