Македонија | Давид Бабунски денеска на прес конференција пред српските медиуми беше промовиран како ново засилување на Црвена звезда...



Македонскиот фудбалер заедно со Дамијан ле Талек денеска беа презентирани пред српските медиуми како нови засилувања за тимот.

„Бабунски е роден во 1994 година, како млад заминал во Барселона и таму поминал осум години. Во Звезда дојде од Барселона Б на своја голема желба. Игра во средниор ред зад напаѓачите" - спортскиот директор Блажа Раосављевиќ го претстави Бабунски.

Давид Бабунски во Звезда ќе го носи дресот со број 18.

„Мило ми е што така голем клуб како Црвена звезда покажа интерес за мене и ми даде шанса за напредок. Тоа е најуспешниот клуб на Балканот. До сега не знаев многу за фудбалот во Србија, но знам дека тука настапувале млади играчи кои станале шампиони на Европа и на светот. Слушнав многу за навивачите на Црвена звезда кои се најдобри во Европа. Гледав видео клипови на интернет на кои се гледа дека прават прекрасна атмосфера. Се надевам дека брзо ќе ме научат што значи да си тука. Ќе се трудам да ја оправдам довербата на стручниот штаб и ќе дадам се од себе на Звездашите да им донесам многу радости и заедно да славиме титули и влез во Лига на шампионите" - изјави Бабунски.

Извор: 24FUDBAL.com.mk