Англија | Челси повеќе ќе му плаќа на Виктор Мозес кој е на позајмица во Вест Хем, отколку на Пато, пишува бразилскиот ЕСПН...



26-годишниот фудбалер во Челси ќе заработува смешна сума споредено со другите фудбалери во овој клуб, тој ќе биде дури на 22. место по висина на примањата во редовите на сините.

Според ЕСПН Бразил, неделната плата на Пато ќе биде 33.000 фунти, додека на Виктор Мозес кој е на позајмица во Вест Хем Челси му плаќа 35.000 фунти.

Најплатен фудбалер во Челси е Азар со 200.000 фунти неделна плата, Диего Коста зима 185.000, Фабрегас 156.000, Џон Тери 150.000, Фалкао 140.000.

Само двајца фудбалери во првиот тим на Челси ќе зимаат помала плата од Пато, Бразилецот Кенеди, и младиот англиски талент Рубен Лофтус Чик.

Се верува дека на Пато поважно му е да покаже дека сеуште може да игра во Европа на највисоко ниво, отколку сумата која ќе ја инкасира во следните шест месеци во Челси.

Извор: 24FUDBAL.com.mk