Шпанија | Претседателот на Реал Мадрид, Флорентино Перез му порача на ПСЖ да заборави на ангажман на Кристијано Роналдо...



Со години се говори дека богатите сопственици на ПСЖ сакаат да го видат Кристијано Роналдо на Паркот на Принцовите и многумина веруваат дека летоска може да дојде до еден ваков мега трансфер.

Но првиот човек на ’Кралевите’, Флорентино Перез вели дека популарниот CR7 нема да замине од Сантијаго Бернабеу.

„Не сум изненаден од интересот на ПСЖ” – вели претседателот на Реал во разговор со France Football.

„Кристијано Роналдо е најдобар фудбалер во светот и лидер на Реал Мадрид. Па нормално е многу клубови да сонуваат за негов ангажман”.

„Тој е наследник на Ди Стефано и е многу среќен тука, па нема да замине од Реал Мадрид”.

„Роналдо е најдобриот фудбалер во светот и мора да продолжи да игра за најдобриот тим во светот”.

„Имам добар однос со претседателот на ПСЖ, Насер Ал Келаифи, но никогаш не сме разговарале за трансфер на Роналдо”.

Извор: 24FUDBAL.com.mk